إلى حبيبي .. بحبك أوي
 عارف كمان من كتر ماانا بحبك سعات لما تكون مش موجود بحب اني اقعد اسمع اغاني واروح عالم تاني واتأمل صورك كده واحاول محاولات كده يعني اني ارسمك ههههه انا مش رسامه ولا عمري فكرت اني ارسم حد بس عمري مااتمنيت اني اكون .بعرف ارسم الا بعد ماحبيتك بس انا حاسه اني حعرف ان شاء الله, لاني بشوف اني اللي بيكون نفسه في حاجه اوي اوي ممكن يقدر يعملها لانه هو من جواه عايز كده ومستعد يعمل اي حاجه ويحقق اللي عايزه . وكمان مش مهم بعد اد ايه يتحقق بس المهم انه يتحقق  انت كمان حبيبي بتوحشني بسرعه اوي اوي. يعني تكون لسه ماشي اقوم الاقي انك وحشتني. ولما بقه تيجي الاقي قلبي بيدق جامد اوي كده هههه واوقات كتير لما اكون مستياك وسايبه الياهو من الموبايل شغال وانا قاعده بقه بشوفلي اي حاجه اعملها في البيت ولا في الكمبيوتر . اقوم كل مااسمع صوت الياهو من الموبايل وانا بعيده عنه واسمع ان جاتلي رسالة يقوم قلبي يدق دن دن دن دن ههههههه اقول شكله رامز. بس ساعات اروح اشوف الاقيها هديل ههههههه ماانا لان انت عارف تقريبا العادي انا على الياهو بكلمك انت ياهديل فلما اسمع منه رساله فبتيجي في بالي علطول انه ممكن انت بنسبه 80% كده بس سعات بقول لا لا ده رامز هو اكيد اللي عمال يبعتلي على الياهو لما بسمع رسايل جت من الياهو 2 -3-4 كده ورا بعض بسرعه فبكون ساعتها متاكده اوي اوي انه انت وقلبي بيدق اجمد بقه وقتها لحد مااوصل للموبايل واكلمك من الياهو  | عارف حبيبي تقدر تقول كده اني مجنونة بيك . بحبك اوي اوي اوي. حتى لما بتزعلني مبعرفش ازعل منك ومكلمكش. وده اذا زعلتني يعني لان تقريبا اغلب المرات اللي زعلت فيها منك كان تسرع مني من غير ماافهم في ايه بضبط. انا عارفه اني بضايقك كتير في الموضوع ده وبتصرفاتي اوقاتها بس يمكن انا كده عشان خايفه يجي يوم ونسيب بعض بعد الشر لان عارف احيانا الواحد لما بيحب حاجه او حد اوي بيكون حساس اوي من تجاهها واي حاجه حتى لو بسيطه بتخوفه . يعني مثلا كده عندك لاب توب غالي اوي عليك تعبت على مااشتريته وفيه مميزات وحجات جالك ابن اخوك الصغير فرضا ولعبلك في الاب توب وانت شايفه من بعيد بيلعب فيه تقوم تزعقله وتقوله ليه وازاي تلعب فيه وده جهاز حساس ووو وتعمله محاضره . بس الاب توب لما تشوفه حتلاقيه مجراش له حاجه بس هو خوفك انه يكون ممكن كان يكون جراله حاجه هو اللي خلاك تزعق للولد اوي كده. ومثال تاني بس على بني ادمين بقه :) . انه يعني مثلا ام عندها ولد صغير وحيدها بتحبه اوي اوي اوي خبطه ولد صاحبه في الحيطه وهم بيلعبو قامت امه اترعبت عليه وقعدت تزعق للولد اللي خبط راس ابنها في الحيطه ووممكن كمان تزعل من ام الولد اللي خبط راس ابنها في الحيطه وتقوم تروح الدكتور وخايفه ان خبطه الراس ديه تسبب لابنها نزيف داخلي في راسه او تسبب تخلف عقلي لان معروف ان بعض خبطات الراس للاطفال بتسبب كده , وتلاقي بقه يقولها طيب نعمله اشعه عشان تتطمني وهي بقه طول الوقت بتعيط خايفه بس هي لو كانت من قبل ماتروح الدكتور تشوف الاول ابنها دايخ ولا باين عليه تغيرات كانت تتطمن ومتروحش انما هي عشان بتحبه اوي اوي مجرد حاجه بسيطه كبرت الموضوع ومشافتش الاول الحجات الاساسيه عشان تحكم كويس على الحاله .. ههههه المهم حبيبي انا اللي عايزه اقوله ان يعني انا عشان بحبك اوي اوي وخايفه من اني مش اكمل معاك ولا يحصل حاجه فبكون كده ومن حاجه تحصل اقوم انا ازعل منك علطول ومن غير مااسمع منك حتى الاول, احكم عليك .. انا اسفه حبيبي على كده لما بيحصل بس انا بحبك اكتر من ماتتخيل . اكتر من اي حاجه في الدنيا دي كلها  سعات كمان لما بتوحشني بروح كده اقعد لوحدي وااخد صورتك واسرح فيها واقول ياربي بقه امته اشوفه تاني. وسعات بقه اقول لا لا ده انا اتجننت بيك رسمي رسمي هههههه لاني بلاقي نفسي احيانا بسرح في صورتك اوي اوي وببقى كده مش شايفه حاجه غيرك . يعني عارف في ساعات احيانا لما الواحد بيركز في حاجه اوي بيكون بعد شويه من التركيز مش شايف حاجه غير الحاجه اللي مركز فيها ديه .فبكلمك من صورتك واقول بقه اي حاجه عايزه اقولهالك ساعتها . بس بعدين ارجع واقول طيب ماهو ممكن يحس بيا وانه وحشني اوي ههههههه او اجي على باله ساعتها لان في حاجه اسمها التخاطر سمعت عنها قبل كده وهي ان الواحد يوصل لحد رسالة بطريقه تشبه كده تقريبا. وان اللي توصله الرساله حيحس بالحاجه الي اترسلتله تيجي على باله ساعتها والرساله يعني تيجي كحاجه كده تخطر على بال اللي حيستلم الرساله . يعني فجاه كده ممكن تحس تقول ياااه ده انا وحشت سالي اوي انا حاسس بكده ههههه ويكون ده بسبب رساله تخاطرية. بس هو موضوع عايزله تدريب شويه ومش بيكون غير بين حد بيحب حد اوي اوي  رامز حبيبي , انا مش عايزه اي راجل في الدنيا ديه غيرك انت ولا اي راجل في الدنيا غيرك ممكن احس تجاهه باي حاجه وعارفه انك بتحبني وحاسه بحبك ليا. وانا عمري ماحبيت حد ولا اتجننت بحد كده زيك. واوعدك حبيبي اني افضل احبك دايما دايما . ويارب اكون في يوم معاك علطول . انا يا اكون ليك يا حعيش طول عمري على ذكراك . وربنا يوفقك حبيبي دايما وينجحك في شغلك وتبقى احسن واحد في الدنيا دي كلها. وتحقق كل حاجه تتمناها وربنا يخليك ليا ولافي يوم يبعدنا |
حبيتـــــك : سالـــــي
